«Արևշատ Ավագյանը բացառիկ տաղանդով օժտված գեղանիկարիչ է բանաստեղծության մեջ: Հողածին և հողաբույր նրա պոեզիայի բոլոր առարկաները երկինքոտ են: Այդ նույն տպավորությունն եմ ստանում գեղանկարիչ Արևշատ Ավագյանի նկարներից: Գեղանկարչության մեջ նա նույն անկրկնելի բանաստեղծն է»:

Համո Սահյան

Հոկտեմբերի 29-ին Երևանի Կոմիտասի անվան Կամերային երաժշտության տանը գրական-հոբելյանական երեկո էր: Առիթը գեղանկարիչ, բանաստեղծ, հրապարակախոս, ԵՊՀ Ժուռնալիստիկայի բաժնի 1966 թվականի շրջանավարտ Արևշատ Ավագյանի ծննդյան 75 և ստեղծագործական գործունեության 60 -ամյակն էր:

Հանդիսությանը ներկա գտնվելու և իրենց շնորհավորանքները հղելու էին եկել գրողի գրչակիցները, գործընկերներն ու բարեկամները: Նրանց թվում էր գրականագետ Սամվել Մուրադյանը, ով Արևշատ Ավագյանին կոչեց <<անակնկալ բանաստեղծական գյուտի վարպետ>>, քանի որ նրա ` բանաստեղծի աչքը տեսնում է <<…պտղամսի մեջ թաքնված ծիրանի կորիզի ծածկագիր-գաղտնագրերը>>, կարողանում է տեսնել այն ամենը, ինչը կարող է հրճվանք պատճառել:

ՀՀ մշակույթի նախարարությունից գրողին շնորհավորելու էր եկել կառույցի աշխատակազմի ղեկավար Սամվել Մուրադյանը: Նա մշակույթի նախարարի անունից Ավագյանին շնորհեց պատվոգիր` պետականության և արվեստի հանրահռչակման գործում ունեցած զգալի ավանդի համար, ինչպես նաև պարգևատրեց <<Գրիգոր Նարեկացի>> հուշամեդալով:

ՀՀ գրողների միության վարչության քարտուղար Պետրոս Դեմիրճյանի կարծիքով բանաստեղծը ստեղծել է իր աշխարհ-մոլորակը, որի շուրջը պտտվում է նրա պոեզիան:Այս ձևակերպմամբ Դեմիրճյանը ցանկացավ ընդգծել Արևշատ Ավագյանի բանաստեղծական յուրօրինակ ոճը: Վարչության քարտուղարը խոսեց նաև գրողի հասարակական ակտիվ գործունեության մասին:

Հանդիսությանը ներկա էին նաև ԵՊՀ Ժուռնալիստիկայի ֆակուլտետի ուսանողները ` դեկան Նաղաշ Մարտիրոսյանի գլխավորությամբ: Պարոն Մարտիրոսյանը ԵՊՀ ռեկտոր Արամ Սիմոնյանի անունից շնորհակալագրով պարգևատրեց գրող-գեղանկարչին ստեղծագործական ակնառու նվաճումների, Երևանի պետական համալսարանի հանրային ներգրավմանը ցուցաբերած նշանակալի աջակցության համար, այնուհետև ֆակուլտետի կողմից ծննդյան 75 և ստեղծագործական գործունեության 60- ամյակների կապակցությամբ շնորհեց ԵՊՀ Ժուռնալիստիկայի ֆակուլտետի <<Պատվավոր շրջանավարտ>> տիտղոսը: Դեկանը Արևշատ Ավագյանին նվիրեց նաև խորհրդանշական խաչ ` գրչի և սրի համադրությամբ:

-Մենք բոլորս Մաշտոցի զավակներն ենք: Մաշտոցը գրչի մարդ էր, բայց մինչև գրչի մարդ լինելը զինական էր, որովհետև գիտեր, որ ոչ միայն գրչով, այլև զենքով պիտի տալ հային կրթություն ,-ասաց Ն. Մարտիրոսյանը և մաղթեց, որ այդ խորհրդանշական խաչը Արևշատ Ավագյանին պահպանի այնքան ժամանակ, որ նա կարողանա «Յոթ մուսաների այգում» իր նախանշած բոլոր երազանքները իրականություն դարձնել:

Հոբելյանական երեկոյի ընթացքում հնչեցին գրողի բանաստեղծությունները ասմունքող Գայանե Սամվելյանի և դերասանուհի Արսինե Նավասարդյանի մատուցմամբ, ինչպես նաև երաժշտական կենդանի կատարումներ Ա. Ավագյանի խոսքերով:

Վյաչեսլավ Բադալյան

1-ին կուրս

Բանաստեղծական գյուտերի վարպետը

ժուռֆակ

Հայաստանի մանուկներ հիմնադրամը Տավուշի մարզում բացեց ՍՄԱՐԹ ապահով սենյակներ

Բեմում երկուսով՝ Մարիամը և պարը

Անիմացիոն աշխարհի բանաստեղծը

Հայաստանը նույնպես իմ տունն է

Հասնել դիրքեր, դիրքեր հասնելուն պես հնարավորինս շատ վնաս հասցնել ազերի թշնամուն

Հայ տառը, հայ տառը, որ չլինի, գիրն ինչի՞ նման կլինի․․․

Եկեղեցին և յոգան

Երբ խանդում են փոքրիկները

Ստվերների թատրոն